ஒன்டாரியோ மாகாணத்தில் அத்தியாவசியமற்ற இடங்களுக்கு covid-19 தடுப்பூசி சான்றிதழ் கட்டாயமாக்கப்பட்டு அறிவிக்கப்பட்டுள்ளது. இதனைத் தொடர்ந்து மாகாணத்தில் covid-19 வைரஸ் தொற்றுக்கு எதிராக தடுப்பூசி பெற்றுக் கொள்பவர்கள் எண்ணிக்கை அதிகரித்து வருகிறது.
ஒன்டாரியோ புதன்கிழமை 476 covid-19 வழக்குகளை அறிவித்துள்ளது. Covid-19 வைரஸ் தொற்றால் பாதிக்கப்பட்டு 14 பேர் உயிரிழந்துள்ளதாக தகவல்கள் வெளியாகியுள்ளன. மாகாணத்தின் covid-19 வழக்குகள் ஆறு வாரங்களில் குறைந்த எண்ணிக்கையில் அறிவிக்கப்படுகிறது.
திங்கள் கிழமை 511 covid-19 வழக்குகளும், செவ்வாய்க்கிழமை 429 covid-19 வழக்குகளும் மாகாணத்தில் பதிவாகியுள்ளதாக அறிவிக்கப்பட்டுள்ளது.இந்த வார Covid-19 வழக்குகளின் ஏழு நாள் சராசரி கடந்த வாரத்தின் ஏழுநாள் சராசரியைவிட குறைவு.
ஒன்டாரியோ மாகாணத்தில் Covid-19 வைரஸ் தொற்றுக்கு எதிராக முழுமையாக தடுப்பூசி போட்டு கொள்ளாதவர்களின் விகிதம் 28 சதவீதம் ஆகும் .மாகாணம் முழுவதும் 4580 covid-19 வழக்குகள் சிகிச்சையில் உள்ளன. ஆகஸ்ட் மாத இறுதியிலிருந்து covid-19 வழக்குகளின் எண்ணிக்கை வீழ்ச்சியை நோக்கி செல்கிறது.
கடந்த 24 மணி நேரத்தில் மாகாணத்திலுள்ள ஆய்வகங்கள் சுமார் 40,000 covid-19 பரிசோதனைகளைச் செயல்படுத்தியுள்ளனர். 1.7% பரிசோதனை முடிவுகள் நேர்மறை முடிவுகளை வெளியிட்டதாக புள்ளி விவரங்கள் தெரிவிக்கின்றன
. கடந்த 2020ஆம் ஆண்டு மார்ச் மாதம் முதல் covid-19 வைரஸ் தொற்றினால் பாதிக்கப்பட்டு 9,771 பேர் உயிரிழந்துள்ளதாக ஒன்டாரியோ மாகாணம் தெரிவித்துள்ளது.
புதன்கிழமை அறிவிக்கப்பட்ட 335 covid-19 வழக்குகளில் ஒரு டோஸ் தடுப்பு ஊசி பெற்றுக்கொண்டவர்கள், தடுப்பூசி போட்டுக் கொள்ளாதவர்கள் மற்றும் தடுப்பூசி நிலை அறியாதவர்கள் இருப்பதாக மாகாணத்தின் சுகாதார அமைச்சகம் கூறியுள்ளது.