கனடாவிலிருந்து பயணிப்பவர்களுக்கு தற்காலிக தடை விதித்துள்ள நாடு – டொராண்டோ தூதரகத்தின் அதிகாரப்பூர்வ அறிவிப்பு!

China
China temporarily bars entry of foreigners travelling from Canada

கனடாவிலிருந்து பயணிக்கும் வெளிநாட்டினர் தங்கள் நாட்டிற்குள் நுழைவதற்கு சீனா தற்காலிகமாக தடை விதித்துள்ளது.

அவர்கள் வேலைக்கு செல்லுபடியாகும் சீன குடியிருப்பு அனுமதி வைத்திருந்தாலும் கூட அனுமதி கிடையாது என்று டொராண்டோவில் உள்ள சீன துணைத் தூதரகம் தெரிவித்துள்ளது.

“வேலை, தனிப்பட்ட விஷயங்கள் மற்றும் மீண்டும் இணைவதற்கு செல்லுபடியாகும் சீன குடியிருப்பு அனுமதி வைத்திருக்கும் அனைத்து வெளிநாட்டினரும் கனடாவிலிருந்து சீனாவிற்குள் நுழைய தற்காலிகமாக அனுமதிக்கப்படுவதில்லை” என்று தூதரகம் சனிக்கிழமை தனது இணையதளத்தில் ஒரு அறிக்கையில் தெரிவித்துள்ளது.

இராஜாங்க ரீதியிலான பயணம் மற்றும் சேவை விசாக்களுடன் நுழைவது பாதிக்கப்படாது என்று அது கூறியுள்ளது.

COVID-19 கவலைகள் காரணமாக எல்லை தாண்டிய பயணத்தை கனடா கட்டுப்படுத்துவதால் சீனாவும் இந்த உத்தரவை பிறப்பித்துள்ளது. கனடாவில் சனிக்கிழமை 4,255 புதிய கொரோனா தொற்றுகள் பதிவாகியுள்ளன.

சீனாவை போலவே கனடாவுக்கு வரும் அனைத்து விமான பயணிகளும் விமான நிலையத்தில் COVID-19 சோதனை செய்து, முடிவுகள் வரும் வரை மூன்று நாட்கள் வரை தங்கள் செலவில் ஒரு ஹோட்டலில் காத்திருக்க வேண்டும் என்று பிரதமர் ஜஸ்டின் ட்ரூடோ வெள்ளிக்கிழமை தெரிவித்தார்.

வரவிருக்கும் வாரங்களில், அமெரிக்காவிலிருந்து சாலை வழியாக  திரும்பும் கனேடிய விடுமுறையாளர்கள் நுழைவதற்கு அனுமதிக்கப்படுவதற்கு முன்பு, எதிர்மறையான COVID-19 சோதனை முடிவைக் காட்ட வேண்டும்.

இதையும் படியுங்க: ஹோட்டலில் தனிமை! கனடா வருபவர்களுக்கு கட்டுப்பாடுகள் அதிகரிப்பு – பிரதமர் வெளியிட்ட திடுக்கிடும் அறிவிப்பு!